陶之皂 Simplest Soap
手工製有機天然護膚品/濕疹護理
【陶之皂的起源】
我有兩個小朋友，其中細仔喺3個月大時開始發現有嚴重濕疹，因為唔想佢長期用類固醇，所以開始研究天然護膚品，因此開始愛上天然手作。作為一位濕疹媽媽過來人，明白到照顧濕疹寶寶嘅感受同憂心，所以成立陶之皂希望可以幫到其他大小朋友擁有健康肌膚。
【手工皂的好處】
傳統冷製法手工皂，用嘅材料係全天然植物油，製造過程全程溫度控制於40度以下，油品不會過度加熱，所以可以保留所有材料嘅養分，令各種植物油可以發揮護膚功效。
使用手工皂比使用其他產品健康得多，手工皂材料全天然，製造過程並無加入任何防腐劑，手工皂可以護膚之餘，亦可以減低皮膚因接觸化學物品產生敏感機會。
所有手工皂都經過6-8星期涼皂期，讓手工皂有充足時間自然風乾，先會放上網店讓客人購買。
【天然護膚品的好處】
手工製天然護膚品新鮮製造不含化學防腐劑，大大減低因化學物質而引致皮膚出現過敏機會。 用有天然機花水，植物萃取和維他命調配出天然護膚品，能有效調理皮膚各種狀況，令皮膚回復健康。
【對濕疹睇法】
濕疹係一種長期鬥爭，無一種產品會令皮膚一夜變靚，沒有捷徑亦不能心急，不要期望用咗咩產品可以好短時間令濕疹完全消失，但持續使用天然護膚品，一定會對病情有幫助。
轉用天然護膚品就好似一種生活態度一樣，代替日常所有含有防腐劑嘅日用品，讓皮膚遠離化學成份，減低對皮膚刺激及令濕疹復發嘅機會，使皮膚慢慢建立良好抵抗力。
【陶之皂的材料】
陶媽媽對於材料有一份執着，所有材料亦會用嚟製作屋企所有日用品俾兩位寶寶用，所以我會花好多心機由外國購入靚材料。
陶之皂喜歡選用有ECOCERT有機認證嘅花水及植物油。 ECOCERT創立於 1991 年，由一群農學家創辦於法國，在國際市場擁有極高的公信力，係世界上有機認證機構中最具權威的，產品一旦經 ECOCERT 認證，就代表確認產品是非基改造、不含石化原料、礦物油、矽膠、殺蟲劑、色素、合成香精、動物性原料、95 ％ 以上有機純度保證等等，而且製造規格、過程都還不能受到污染且尊重環境等等。ECOCERT機構的質量考核和認證程序嚴苛，係一種高品質高信譽度嘅保證。
